1127
嘿嘿~~~ 看標題已不用多說了吧？
1127 - LMF
Chr:
* 有佢教曉我o地唔係東亞病夫
黃皮膚都可以做番自己
唔要跟人o地抄人地黐人o地
中國人唔要睇死自己 *
Repeat *
Mc Yan:
公元二千年中國五千年
六十年前呢度 曾經出過一個人
大家又知唔知道 佢又做過一D事
行過一條路 令到全世界o既人都知道
乜o野叫做中國人中國精神
佢拍過電影四五部 透過活動o既影像熒光幕上
前所未有o既動作速度 拳腳套路哲學角度
無分國度用現代o既電影製造
向全世界解釋中國功夫文化
又行o左一條新o既道路
截拳道 大懶堂今次o係呢度
淨係想你做番一個似樣o既中國人
可以學人唔使下下抄人
至好就用心去消化人地點做
試下又問下
呢度點解又有一班失敗o既人
唔支持自己人成日走去扮其他人
Repeat * *
Phat:
一個大中華 一個李小龍
冇一個中國人唔為佢覺得驕傲
西洋拳劍柔道詠春北派堂腿十二路
各門各路各式各樣 每一種招數
佢都用紙筆去紀錄 紀錄低
唔駛做乜o野門派o既徒弟
以無法為有法
你自己就係最好o既方法
要真正表達你本質
至係最積極o既武德
Kit:
佢揀o左呢條路佢又行出o左呢一步
創立o左一套拳法叫做截拳道
佢o既主張做人要有自己o既態度
唔可以墨守成規就原地踏步
成日企響度 得個諗字又唔走去做
做 又諗o左條歪路
想做就去做 但就最緊要行條正路
就如截拳道 撩陰插眼佢一定唔做
Mc Yan:
唔要欺騙自己 扮假鬼唔三唔四
李小龍精神不死 中國人唔會忘記
唔要欺騙自己 扮假鬼唔三唔四
李小龍精神不死 中國人唔會忘記
Wah:
你要知道我o地中國人有乜唔好
我o地有五千年歷史你有冇
為o左面子變成白色恐怖
你問心o個句你有冇
我想知道我o地中國人有乜唔好
你話我封閉 我話我有分數
為世界貢獻又有乜唔好
係每個人最基本你做到
Repeat * * * *