Eunos 30X
也是時候讓我的"二奶"亮亮相了~~~~
Eunos 30X，又名Mazda MX-3、Presso、AZ-3 (Eunos，松田[Mazda]的另一牌頭，關係就像豐田和Lexus)，一部幾乎被世人遺忘了的日本小跑車，生於1992，終於1996。其實此車在北美頗受歡迎，反而在日本本土和其他亞洲地區則銷路非常一般。究其原因，我想主要是她的引擎——1.8L V6，世上容量最小的量產V6引擎。V6引擎，一般會用在體積較大的汽車上，車大重量亦相對地較重，需要更多動力來推(FR，RR，MR)或拉(FF)，然而一副容量只得1.8L的V6引擎(一般V6引擎最少也有2.4L)，動力可以強到那裡？答案是：130bhp(145ps)。130匹，就算在九十年代來說也未免太少了吧？再加上品牌效應(一般人認為，松田除了鎮廠孖寶RX-7及Cosmo以外，只懂生產如Familia般的廉價小房車)，與及致命傷——除了特別調教過，一般V6引擎的扭力(torque)通常偏低，30X更是低得可憐，被人嫌棄也是意料之內。在路窄彎多兼經常塞車的亞洲/歐洲城市，不受歡迎是無可厚非的了，但為何在北美又剛好相反呢？
那是道路設計和喜好的分別。北美一帶，路闊之餘，直路多彎路少，正好適合巡行(cruising)，即是以高速高檔來作長時間駕駛，那正正是30X的強項。另外，因那個年代美國車廠都不懂制造小容量高效率引擎，動輒就2.5，3.0，甚至5.7L，保護主義之下，入口車的數量和款式就更加受到嚴格限制，嚴苛的廢氣管制條例亦令到大部份日本車需要加裝額外的過濾器，馬力自然下降不少。此消彼長，在市場上能買到有合理動力數據的小跑車就變得不多，而且北美人非常喜歡coupe(三廂式雙門跑車，Civic和Accord也有coupe版，還逆進口回日本呢)，擁有130匹的30X(北美稱之為MX-3)自然就廣受歡迎了。
好了，寫了一大段30X的事情，說回我自己那部吧。相信對汽車熟悉和對30X有印象的朋友應該一眼就看得出分別。外觀上我對她作出了不少改動，最明顯莫過於一對車頭大燈和頭bumper。先說那對頭燈吧，是近年流行的Angel eye款式，我花了很多功夫、時間和金錢才能將它弄妥。原因？因為30X從來沒有出過Angel eye款式的after market頭燈，那是一對經大量修改後的Civic ES頭燈。至於頭bumper、裙腳和尾翼則是MazdaSpeed款式，裙腳和尾翼更是MazdaSpeed原廠貨。除了以上各項，還有四圓尾燈、尾唇和17" Enkei白色輪圈等。機械方面，頭尾頂吧、彈弓避震、SAFC等就不在話下，最大的改動是傳動系統——由自動改為手動。
總的來說，雖然30X並不是我很喜歡的款式(松田所有跑車之中，最喜歡還是FC3S)，不過以本地僅存的30X還要是手動傳動的話，不會超過十部(當年30X並沒有水貨[平衡進口]，只有原廠代理的正貨，但正貨卻是清一色自動傳動)，絕對可說是one of a kind。
回應
你架車好靚呀d燈係邊度買架...點樣改先可以令佢快d呀
Posted by: edison | April 15, 2006 3:48 AM
對頭燈其實係美版 Civic ES o既angel eye款式射燈，冇得賣，要DIY.........
至於要改快d，最簡單快捷就係抬MX6副2.5L V6偈(200匹)，不過呢個方法係犯法o既，博唔博就睇你自己喇..........
Posted by: 飛 | April 18, 2006 4:24 PM
你架車好靚呀!手動傳動點樣改呀?
Posted by: Calvin Lam | July 13, 2006 8:54 PM
Keep in touch!!
Posted by: Calvin Lam | July 13, 2006 8:58 PM
點改？有零件，同埋部車唔係高科技的話，搵相熟o既車房抬波箱咪得囉~~~~
Posted by: 飛 | July 14, 2006 4:35 PM
不過30X手動冇零件呀?係邊度有零件呀!!抬MX6副2.5L V6偈手動傳動??Thank you very much.
Posted by: Calvin Lam | July 14, 2006 8:16 PM
你又識得上網又盛，要搵資料根本就好容易..... 我唔係唔想話你聽，不過，自己做下功課先喇。There's no free lunch in this world.
Posted by: 飛 | July 15, 2006 1:34 AM
我都有部enous 30X
手波....94 年
你部 改得好型...好似美國o個d
我係上網都見到人地咁樣改..用civic 燈...放落去..但係要整好多野
Posted by: kelvin | August 17, 2006 8:59 PM
你好呀~ 你部30x好靚呀~ 我都係一個30x既愛好者~ 之前搵料都幾頭痛架~ 我有部92年都係改左手波，另有基本改裝 e.g. koni 避震，k&n風格，mazdaspeed muffler，17"鈴。我近期正打算返噴架車，但反正都要噴，我想換埋包圍，但網上搵到既一係就好大份一係就好老土... 就係搵黎塭去都搵唔到有mazdaspeed既款... 請問你知唔知邊度有賣呀? 我留如email係度，有興趣大家傾下計呀~
Posted by: 阿雷 | August 17, 2006 11:49 PM
呵呵~~~ 估唔到仲有咁多人渣30X~~~ 我比較好運，套Mazdaspeed包圍係原裝 o既(頭bumper除外)，如果你要搵，相信都幾難喇，不過都仲可以去土瓜灣希帆整纖維老翻。
Posted by: 飛@上海 | August 18, 2006 9:56 AM
多謝你既資料，不過我問左希帆佢只有頭泵巴咋~ mazdaspeed既側裙裙同尾裙都冇呀~ 有其他model不過唔靚囉~ 我最近係網上都識左一兩個渣30X既人~ 有冇興趣搵日一齊出黎見下面吹下水呀? 有既email 比我啦~ doyen8@yahoo.com.hk~ Thx
Posted by: 阿雷 | September 13, 2006 9:59 PM
I'm looking for an Eunos 30X or 500 for personal use. If anyone want to sell his car, please email me. Thanks!
飛, I know here is not an 2nd car trademart, if it is bothered you, I'm sorry!
Ho
Posted by: Ho | March 8, 2007 4:34 PM
Sorry! Forget to post my email address. It is is buycar128@gmail.com
Posted by: Ho | March 8, 2007 4:36 PM
我諗你家下要搵Eunos系嘅車會相當棘手.... 十幾年前都唔算流行嘅車款，今時今日相信劏得都劏哂，仲晌度嘅，唔係甩皮甩骨就係私人珍藏......
Posted by: 飛 | March 13, 2007 2:20 PM
想聯絡番以前福士會d老友..
Posted by: 何錦輝 | March 13, 2007 3:17 PM
請問現在那裹有得賣30x KYB 避震
Posted by: 30x迷 | June 8, 2009 2:54 PM
30X避震......... 莫講話KYB，原廠都好難搵到囉....... 本地嘅30X都"湯"到九九十十，相信全港仲行緊街嘅，唔超過十部。我建議你都係搵相熟嘅車房幫你入錦田搵，或代訂喇。
Posted by: 飛 | June 9, 2009 11:10 AM
唉！我都知！但新塔頂配湯房避陣好似好哂！真係換又唔係唔換又唔係！
Posted by: 30x迷 | June 15, 2009 10:32 AM
揸到有大問題，我都打算：1)唔揸車，2)換車。
30X當年今日都唔係熱門車，亦都冇乜收藏價值。係都要keep的話就真係攞苦嚟辛......
Posted by: 飛 | June 19, 2009 10:29 PM
車形耐看，十幾年車現在睇都唔out，支持經濟用正廠!!!!!!!
Posted by: 30x迷 | June 22, 2009 2:57 PM
其實九十年代出產嘅日本跑車，就算嚟到今時今日，大部份都仲係好靚好有型(13/4/5雞、MR2 SW20、MRS、Celica GT4 ST202/205、戰神R32/33、RX7 FC3S尾期..... etc)，不過礙於香港嘅環境，劏得嘅劏，棄置嘅棄置，老實講，都幾可惜.......
講返30X，其實我文中都有提及，呢部車並唔太適合晌香港揸....... 部車用得越耐，越食油(我嗰部已經接近中型房車嘅耗油量)，而且parts亦越嚟越難搵........ 值唔值得keep，就真係要睇你有幾鍾意部車。
Posted by: 飛 | June 22, 2009 9:28 PM
絕對同意！宜家D車樣部部差唔多，經唔起時間既洗滌。
走高速比走市區慳油好多，走市區以為漏油...哈哈！
Posted by: 30x迷 | June 23, 2009 9:25 AM
哈哈 真係呀, 走市區以為漏油, 走高速真係好慳油, 估唔到仲有咁多人揸呢架野, 各位有無興趣30x聚咁呀? 我的email係 : love_star2000@live.hk 請注明30x車友啊 唔該
Posted by: nian | July 29, 2009 5:16 AM
唉........ 搵食艱難呀朋友，我下星期一就會將部車交到新主人手上............
亦即係話，可能係全香港唯一一部棍波+全MazdaSpeed包圍+Angel Eye嘅30X已經唔再屬於我........
Posted by: 飛 | July 31, 2009 12:45 AM
網主！請問部車賣左幾錢？似乎全城剩番三條30x友，應不出五條！
Posted by: 30x迷 | August 6, 2009 10:14 AM
想問下各位, 你地的耗油量係幾多左右?
Posted by: nian | August 7, 2009 8:02 AM
大概一百蚊油行八、九十公里啦！
Posted by: 30x迷 | August 10, 2009 10:33 AM
兩佰蚊普通油行佰三公里左右(公路)，如果市區，一佰公里都冇.......
Posted by: 飛 | August 11, 2009 2:52 PM
"網主！請問部車賣左幾錢？"
都係幾千蚊咋...... 話時話，如果可以堅持多四年，我嗰部就可以入香港老爺車會(車齡二十年或以上就可以入會).......
Posted by: 飛 | August 11, 2009 2:57 PM
飛哥~有野想請教你,我換左17寸鈴,用你之前個size既呔,勁hi沙板,請問你果陣有冇咁既情況?
Posted by: 肥妹細佬 | September 6, 2009 11:45 PM
喂靚仔細佬，咁都俾你刮到我~~~
其實係有小小，不過情況唔嚴重，主要都係慢速出入停車場先有輕微hi到嘅情形出現。你用乜嘢呎吋嘅呔？我當時係用215/45，可能薄啲，冇咁易刮到。
Posted by: 飛 | September 7, 2009 1:12 AM
我都係一次機緣巧合比我搵到E度,不過上次黎已經係上年既事,長毛幫我換左215/45勁刮,之後細雄幫我換205/40就係刮少左好多,想問下你如果我想換彈弓知唔知外國有冇得買?萬二分感謝
Posted by: 肥妹細佬 | September 7, 2009 12:51 PM
明白，我估可能同避震唔夠硬有關...... Anyway，我以前係用原廠避震加Whiteline彈弓，澳洲牌子，當年榮少入返嚟，詳情你可以問吓細雄。另外如果要全套避震換，外國牌子應該係得Bilstein(好似MazdaSpeed嗰套都係Bilstein代工)，希望幫到你。
Posted by: 飛 | September 7, 2009 2:53 PM
非常多謝你寶貴既資料,換左新2奶未?
Posted by: 肥妹細佬 | September 7, 2009 8:33 PM
冇呀，短期之內都唔打算再出車lu......
Posted by: 飛 | September 8, 2009 1:25 PM
咁你得閒多D落黎長毛度吹下水,等我學下野~HAHA
Posted by: 肥妹細佬 | September 8, 2009 2:03 PM